Olúwa ló pè wá, àwa náà sì ntẹ̀lé

O fi ẹsẹ̀ wá lé ọ̀nà tí Ón rìn

B'ó jẹ́ lórí òkè tàbí pẹ̀tẹ́lẹ̀ ni

Ọ̀nà náà y'ó parí sí ilé ògo

Olúwa ló pè wá àwa ọmọ Tirẹ̀

A ntẹ̀síwájú lábẹ́ àsíá Rẹ

A fẹ́ràn Rẹ púpọ̀, a sì nṣàfẹ́rí Rẹ

A nrin nínú ìmọ́lẹ̀ àtọ̀runwá.

Olúwa ló pè wá, àwa kò ní bẹ̀rù

B'ọ̀nà kò tilẹ̀ dán, bí ewu sì pọ̀

Ẹ̀mí Rẹ ngbé'nú wá, O sì ntú wá nínú

Àwa y'ó máa tẹ̀lé, láìbojúw' ẹ̀hìn

Olúwa ló pè wá, a ó máa kọrin lọ

B'ìdánwò tilẹ̀ dé, àt'ìyèméjì

'Tẹ̀síwájú, w'ókè' má kà ìpọ́njú sí

Àwọn ọmọ Síónì, ntẹ̀lé Ọba wọ́n.

Olúwa ló pè wá, n'íbẹ̀rẹ̀ aiyé wá

O dá ẹ̀mí titun s'ínú ọkàn wá

A rí f'aiyé sílẹ̀, pẹ̀lú ìgbádùn rẹ̀

Láti dápọ̀ mọ́ àwọn ọm' Ọlọ́run

Olúwa ló pè wá, t'ó sọ wá dọmọ Rẹ

Àwa ngbẹ́kẹ̀ wá lé, O sì mbùkún wá

Síb' ìtura ọkàn, omi tútù yọ̀yọ̀

Níbẹ̀ l'ó ntọ́ wá sí títí dé 'lé wá.

Àmín.