Ọkàn àt'ohùn mi

Ni ngó fi yin Jésù

Kí gbogb' aiyé yin Olúwa

Ó njọba ní gbogbo

Aiyé àti ọ̀run

Ẹnit' ó dá ohun gbogbo.

Ó wá bí ìránṣẹ́

Nínú àwò ẹ̀dá

Ó gba ègún wá s'orí Rẹ̀

Ó fi 'ra Rẹ̀ rúbọ

Ó ta 'jẹ̀ Rẹ̀ sílẹ̀

Láti sọ wá d'ómìnira.

Aṣẹ́gun ti jíǹde

Ó bórí ọ̀tá Rẹ̀

Ó sì dì wọ́n ní ìgbèkùn

Ó fọ́ ìjọba wọn

Ó mú wọ́n jẹ́wọ́ pé

Kristi l'Ọba gbogbo aiyé.

Nínú àánú Rẹ ńlá

L'ó fi njọba l'aiyé

Nínú ọgbọ́n àt'òdodo

Ẹni tó Jésù wá

Y'ó tọ́ ìfẹ́ Rẹ̀ wò

Y'ó rí 'gbàlà ńlá gbà l'ọ́fẹ́.

Ọba àlàáfíà

Kí ìjọba Rẹ dé

Kí gbogb' aiyé rí ògo Rẹ

Títí òdodo Rẹ

Àti ìwà mímọ́

Y'ó gbìlẹ̀ nínú aiyé yìí.

Àmín.