Ẹni t'Ó f'ọ̀run sílẹ̀ t'Ó wá s'áyé,

Láti kú fún ẹ̀ṣẹ̀ aráyé gbogbo;

Ẹ kọrin Alelúyà s'Ọba mímọ́

Ẹni bá mọ̀'re Jésù k'ó bá wá gbégbè.

Ẹni t'Ó npà wá mọ́ o, lójojúmọ́,

Ẹni t'Ó nyọ wá nínú ewu gbogbo,

Ẹni t'Ó npà Ísírẹ́lì mọ́ k'ítòògbé;

Ẹni bá mọ̀'re Jésù k'ó bá wá gbégbè.

Ẹni t'Ó npèsè fún àìní wá l'áyé,

Ẹni t'Ó nṣoore fún wá l'ọjọ́ gbogbo,

Oore t'Ó nṣe fún wá kò l'óǹkà rárá;

Ẹni bá mọ̀'re Jésù k'ó bá wá gbégbè.

Àmín.