Ìyìn f'Ẹni Mímọ́,

Ìyìn f'Olú agbáyé,

Ìyìn fún Jèhófà l'ókè

T'Ó f'Ọmọ ìyanu fún wa

Ipè ńdùn l'ọ̀run pé; "a bí Ọba wa"

Ogun ọ̀run ńkọrin ògo,

Ògo ni fún Ọlọ́run,

Ẹ kú ayọ̀ Ọmọ, gbogbo ènìyàn

A bí Jésù Ọba.

Ògo f'Ẹni Mímọ́,

Ẹlẹ́dàá ohun gbogbo,

Ògo ni fún Olódùmarè

T'Ó rán Mèsáyà w'áyé;

Ipè ńdùn l'ọ̀run pé: a bí Ọmọ Ọba,

Áńgẹ́lì ńkọrin pé:

"Àlàáfíà fún ènìyàn"

Ẹ bá wa yọ̀ o, gbogbo ènìyàn

Olùgbàlà wá wá s'áyé.

Iṣẹ́ Olúwa, ìyanu ni

Iṣẹ́ Olúwa, ìyanu ni

Iṣẹ́ Olúwa, ìyanu ni

Ó gbé'nú Wúńdíá ṣọlá,

Ó gb'ọ̀nà ìyanu mú 'gbàlà w'áyé

Ènìyàn ṣorire, ènìyàn ṣorire,

Ẹlẹ́rùníyìn, O má ṣe o,

A bí Ọba'ìyanu

Ipè ńdùn l'ọ̀run pé: "a bí Olúwa wa"

Ogun ọ̀run nrin ògo,

Ògo ni fún Ọlọ́run;

Ẹ kú ayọ̀ Ọmọ, gbogbo ènìyàn

A bí Jésù Ọba.

Àmín.